“WUJOOD AUR ZAAT”

11834033-1170

Wujood ko tou sirf mohabbat karna ata hai. Ishq? Ishq tou zaat karti hai. Isi liye jab rooh Khuda ke paas jaye, tou wujood ko dunya mai chor ke jati hai. Kyunke wujood dunya ka hissa hai, yaheen bheja gaya, yaheen kaam aya aur yaheen mitti mai mil gaya. Hisab tou zaat ka hoga. Aur yoon, jo wujood ki chahaton ka ghulam hua, samjho wo nakaam thehra. Aur jis ne zaat paa li, usne ishq kiya. Aur yehi ishq usay Khuda ki mohabbat ka haqdaar bana deta hai.

Ye theek hai ke Khuda ke ilawa kisi se ishq nahi kiya ja sakta, lekin ye bhi sach hai ke agar insan dunya ki mohabbat Khuda ke ishq ke wajib karda usoolon aur aqaid se chaanne ya guzaarne ke baad kare; tou beshak Khuda us mohabbat ko bhi ishq jesa mazboot bana deta hai, aur ishq jesa sukun bakhsh. Gharz ye ke jab jab tumhe izterab mehsoos ho, tou samjho sirf mohabbat hai. Aur jab jab sukun milay, tou samajh jao ke ishq hai. Aur agar usay kho dene ka dar lagay, tou phir, sirf mohabbat hai. Aur agar andha aitemaad ho, tou ishq.

Par insaan siyah aur safaid par nahi chalta. Insan tou dono ka milaap hai. Insan bhool hai. Insan tauba hai. Bas jab mohabbat ho, tou wujood ki chahat maan ke tauba karo. Aur jab ishq ho, tou uske imtehanon ke liye tayyar raho; sajde ki talwaar aur dua ki dhaal samait, datt jao. Kyunke jo tum kehte phiro ge, Khuda uska imtehan zaroor le ga. Ye tou sadiyon pehle bata diya tha Us ne. (Surah Ankabut, ayah 2-3)

Ishq ka pehla qadam tawakkul hota hai, yaani yaqeen. Aur har mushkil mai sabse ziada isi ka imtehan leta hai Khuda. Isi tarah tou wo munaafiqat ko haq se, aur wujood ko zaat se alag karke dikhata hai.

Kayi baar, tumhare ishq ko wujood lalkaare ga. Kayi baar tum wujood ki maan bhi lo ge. Lekin gir ke sambhalna hi imaan ka suboot hai. Ahista Ahista, tumhare wujood ko zaat zaroor mil jayegi.

“Imaan, Umeed aur Mohabbat”

Pehle imaan phir imaan se umeed aur umeed se mohabbat.

Kahin parha tha ke muhabbat insan ko Khuda tak lejati hai- na mile tab bhi, mil jaye tab bhi. Lekin ye na bataya ke jab apni khud gharz se khud gharz mohabbaton mai bhi Khuda nazar anay lage, tou samajh jao ke khalqat nahi, Khaliq se dil jorr liya hai.

Kaaba ke darwazay pe bethe hum, ankhen kia poora wujood ashkbaar! Aur wujood ke har zarre se aik hi naam ki awaz aye, goya zindagi dour khari mazak urra rahi ho, ke bolo! Maang lo usay? Is se ziada Khuda ke aur kia kareeb hona? Lekin zaat aur zaban ne wujood ki aik na suni. Wohi multazim, wohi ansoo, wohi hum. Par naam na liya. Keh diya Khuda se ke jo Apko behtareen lagay wo ata karden. Ab maaddi cheezon ka kia? Koi farq nahi parta.

Shayad dil mai mohabbat Khuda hi daalta hai isi liye ehsas hota hai ke agar Khuda chahe tou aik nahi, das baar mohabbat chor den. Apne toote huay tukron aur jurri hui izzat ko le ke wahin ja bethen. Usi ke dar pe. Aur phir ro ro ke kahen, “sirf Allah, sirf Allah, sirf Allah!” Ab koi bulaaye zindagi ko tou hum bhi ankhon mai ankhen daal kar poochen, ke dekh, ay haqeer o na cheez, dekh! Yehi hai na wo imaan jiska tu ne imtehan lena tha? Ab jis imaan ki bina par hum saari dunya mai naak charhaye phirte hain, dekhen bhi tou sahi ke kia hai us imaan ki taaqat?!

Jab mohabbat sachi hoti hai tou Khuda se dour nahi le jati. Khuda hi ki taraf se tou dil mai utri hoti hai, kabhi azmaish tou kabhi sukun ban kar. Tou le le tu imtehan, jitna lena hai. Dekh lena, jeet hamesha imaan ki hi hogi. Chahe hanste muskurate ya kaleja kaat kar, hum imaan ko nahi haarne denge.

Ab zindagi hi nahi, mohabbat bhi dekhe gi, ke mohabbat ki kese jati hai.


Hello everyone!  I hope you liked that. It had been long since I wrote in Urdu so I personally enjoyed this post a lot! I would like to give a shout out to Shoaib whose Urdu prose series, one of my most favourite things ever written, is the major inspiration for the style of writing here (although this hasn’t even come close to his level).

Have a lovely day, week, month and life. Until next time! ^-^

YA RABB!

IMG_20160623_213946__noah__VividPop-1

Wrote this a while ago. Ignore the bad handwriting. The first line says “jaam-e-qalb-e-muztar”. Just so you know 😛 I feel like that is the most badly written. What can I say I tried haha. I hope you liked it, it was my first qata’a (nukton wala qaaf+ Touain+ A’ain) Wow look how badly I have failed at trying to sound cool with my qata’a writing :3


FOR PEOPLE WHO DO NOT UNDERSTAND URDU (And also for those who do):

I am really sorry I haven’t written a proper long post in so long. I actually am in the middle of a new “Dances With Insomnia” piece and it’s taking me some time, since Ramadan and all. But worry not, I am almost done and I am sure you will love it in sha Allah! It’s turning out pretty nicely. 🙂

Much love!
Maria

Threads #9

Aisa kaise hota hai, ke jab koi cheez kabhi apko mili hi nahi, tab bhi apko apne andar uski shiddat se kami mehsoos hoti hai?

Translation: How does it happen, that even when something was never yours, you still feel it’s absence inside of you?